Томуу томуу төст өвчний 04 дүгээр долоо хоногийн мэдээгээр томуугийн харуулдан тандалтын нэгжүүдээс ирүүлсэн 288 сорьцонд шинжилгээ хийхэд 64 (22.2%) томуугийн А хүрээний вирус, 39 (13.5%) сорьцонд томуугийн В хүрээний вирус,  25 (8.7%) сорьцонд томуугийн А(H3N2) вирус, 20 (6.9%) сорьцонд томуугийн А(H1N1)pdm вирус,  16 (5.6%) сорьцонд амьсгалын замын синцитиаль вирус,  2 (0.7%) сорьцонд SARS-CoV-2 вирус тус тус илэрсэн байна.

Томуу томуу төст өвчнөөс урьдчилан сэргийлэх зөвлөмжийг хүргүүлж байна. Үүнд:

- Шаардлагагүй тохиолдолд эмнэлэг болон олон нийтийн газраар явахгүй байх

- Сургууль цэцэрлэгийн ирцийн тандалт хийх, шинж тэмдэг илэрсэн хүүхдийг тусгаарлах, хичээлээс чөлөөлөх

- Гэртээ болон ажил дээрээ агааржуулалт, чийгтэй цэвэрлэгээ хийх

- Агаарын чанарын үзүүлэлтийг Агаар.мн апплэйкшн ашиглан харж өдөр тутамдаа хэрэглэж, агаарын бохирдлоос сэргийлэх

- Томуугийн дархлаажуулалтад хамрагдах

- Дархлаа дэмжих хоол хүнс хэрэглэх, дулаан хувцаслах

- Тогтмол дасгал хөдөлгөөн хийх, агаар салхинд гарах, алхах

- Олон нийтийн газраар үйлчлүүлэхдээ амны хаалт зүүх, эрүүл ахуй халдвар хамгааллын дэглэм баримтлах

Томуу томуу төст өвчнөөс урьдчилан сэргийлье!