Үйлчлүүлэгчийн аюулгүй байдал нь дэлхийн эрүүл мэндийн тэргүүлэх чиглэл хэмээн хүлээн зөвшөөрч Дэлхийн эрүүл мэндийн байгууллагын 72 –р чуулганаар жил бүрийн 9 сарын 17-ны өдрийг Үйлчлүүлэгчийн аюулгүй байдлын дэлхийн өдөр болгон тэмдэглэхээр шийдвэрлэсэн.

Үйлчлүүлэгчийн аюулгүй байдлын дэлхийн өдөр - ийн гол зорилго нь Үйлчлүүлэгчийн аюулгүй байдал сэдвийн дор Үйлчлүүлэгчийн аюулгүй байдлын төлөө дуу хоолойгоо нэгтгэцгээе уриатайгаар 2019 онд тэмдэглэн өнгөрүүлэхээр шийдвэрлээд байна. Үүний дагуу ЭМЯ болон НЭМГ-ын гаргасан  удирдамжийн дагуу  БНЭМТөв нь “Үйлчлүүлэгчийн аюулгүй байдлын төлөө дуу хоолойгоо нэгтгэцгээе” уриан доор нээлттэй өдөрлөгийг 2019-09-19 ний өдөр эмнэлгийн гадна талбайд зохион байгууллаа.

          Өдөрлөгийн арга хэмжээнд 15 тасаг, нэгжүүд идэвхтэй оролцож өөрсдийн үйл ажиллагаагаа сурталчилан таниулах, өдөр тутмын үйл ажиллагаандаа мөрдлөг болгон  ажилладаг стандарт, удирдамжийн танилцуулгыг хийж 2019 онд үйлчлүүлэгчийн аюулгүй байдлын төлөө шинээр нэвтрүүлсэн бүтээлч ажлуудын үр дүнг хэлэлцэн, шинэ санаа ололт  амжилтаа дүгнэн цаашид хийгдэх, туршлага судлах, хамтран ажиллах ажлынхаа чиг үүргийг тодорхойлов.

Мөн БНЭМТ нь “Үйлчлүүлэгчийн аюулгүй байдлын төлөө дуу хоолойгоо нэгтгэцгээе” уриан дор үйлчлүүлэгчид, гэр бүл асран хамгаалагчид, олон нийт, эрүүл мэндийн ажилтнууд, эрүүл мэндийн салбарын удирдагчидыг оролцуулан “ Үйлчлүүлэгчийн аюулгүй байдал”-ын дэлхийн өдрийн уулзалт, сургалт зохион байгууллаа.

Өдөрлөгт хүрэлцэн ирсэн  иргэдээ хүчилтөрөгчийн коктелиор дайлж, цусны даралт хэмжих, цусны сахар тодорхойлох зэрэг хэрэгцээнд тулгуурсан анхан шатны үйлчилгээг 250 орчим иргэдэд үзүүлсэн. Мөн халдварт болон халдварт бус өвчний тухай түүнээс хэрхэн яаж урьдчилан сэргийлэх, шаардлагатай тохиолдолд авах арга хэмжээ бүхий 1000 эрүүл мэндийн боловсрол олгох материал тараагдсан.

Хувийн хэвшлийн “Замбага” эмнэлэг өөрсдийн үйл ажиллгаа болон шинээр нэвтрүүлж байгаа оношлогоо, эмчилгээ, шинжилгээний тухай танилцуулгыг хийсэн.

Дүүргийн Нийгмийн даатгалын ЭМД хариуцсан мэргэжилтэн Наранхүү эмч ЭМД-ын тухай хууль түүний хэргэжилтийн талаар дэлгэрэнгүй мэдээллийг хийж, гэр бүлийн радио fm 104.5 сүлжээгээр дамжуулан орон даяар ард иргэдэд чиглэсэн мэдээлэл хийлээ.

Чанарын алба.