Ø  Тусгай зөвшөөрлийн хугацаа сунгах хүсэлтийг тусгай зөвшөөрлийн хугацаа дуусахаас 30-аас доошгүй хоногийн өмнө   www.tzmoh.gov.mn бүртгэл, зөвшөөрлийн цахим хуудсаар илгээнэ.

Ø  Цахим хуудаст байгууллагын тоон гарын үсгээр нэвтрэх ба тоон гарын үсэг олгох зөвшөөрөлтэй байгууллагаас тоон гарын үсэг авна. /татвар, нийгмийн даатгалын системд нэвтрэх тоон гарын үсгээр нэвтрэх боломжгүй тул шинээр авна/

Ø  Хүсэлтээ илгээсний дараа тусгай зөвшөөрлийн гэрчилгээг эх хувиар төлбөрийн баримтын хамт НЭМГ-ын 207 тоот өрөөнд авчирч өгнө. Хүсэлтийг цахим хаягаар илгээхтэй холбоотой тодруулах зүйлийг 75116420 дугаараас лавлана уу.

Бүрдүүлэх материал:

1. Албан хүсэлт
2. Хуулийн этгээдийн улсын бүртгэлийн гэрчилгээний хуулбар
3. Компанийн дүрмийн хуулбар
4. Эмийн аюулгүй байдлын мэдээ /зөвхөн эмийн санд хамаарна/
5. Эрүүл мэндийн ажилтны үндсэн болон төрөлжсөн мэргэшлийн диплом, лицензийн хуулбар
6. Аж ахуйн нэгжийн орлогын албан татварын тайлан /сүүлийн 3 жилээр/
7. Аж ахуйн нэгжийн нийгмийн даатгалын шимтгэл төлөлтийн тодорхойлолт
8. Үйл ажиллагааны тайлан /www.tailan.ubhealth.mn хаягаар илгээдэг жилийн эцсийн тайлан, сүүлийн 3 жилээр/

Хувийн ортой эмнэлэг, клиник, сувилал:  

·         Хувийн эмнэлгийн үйл ажиллагааны тайлан ЭМТ-202

·         Сувиллын байгууллагын үйл ажиллагааны тайлан ЭМТ-203

·         БЗДХ-ын кабинетийн үйл ажиллагааны тайланг ЭМТ-305

·         Нүүр амны кабинетийн үйл ажиллагааны тайлан ЭМТ-309

·         Арьсны кабинетийн үйл ажиллагааны тайлан ЭМТ-312         

Эмийн сан нь үйл ажиллагааны тайланг хувийн эмнэлгийн үйл ажиллагааны тайлангийн ЭМТ-201.27-1, 2, 3 маягтаар өгнө. Үүнд:

·         201.27.1- Хүлээн авсан жорын тоо, төрлөөр

·         201.27.2- Борлуулалтын орлого

·         201.27.3 – Эмийн нөөцийн тайлан

9. Тусгай зөвшөөрлийн гэрчилгээний хуулбар
10.  Улсын тэмдэгтийн хураамж төлсөн баримт