ГАДАРГУУГ ХЭРХЭН ХАЛДВАРГҮЙЖҮҮЛЖ ЦЭВЭРЛЭХ ВЭ?
Коронавирус нь хатуу гадаргуу дээр 72 цаг хүртэл хадгалагдаж, халдвар тараах эрсдэлтэй тул гэр, ажил, албан газартаа энэхүү зөвлөмжийг заавал баримтлаарай. Үүнд:
- Ахуйн хэрэглээний бээлий өмсөх
- Саван, угаалгын нунтагтай уусмалаар цэвэрлэх
- Халдваргүйжүүлэх уусмалаар арчих
- 1 литр усанд 0,25мл белизна (хлор агуулсан бодис) хийж бэлтгэх
- Халдваргүйжүүлэлтийн уусмалыг цэвэрлэгээ хийх бүрт шинээр бэлтгэх
- Халдваргүйжүүлэх бодисуудыг хольж хэрэглэхгүй байх
- Хлор агуулсан халдваргүйжүүлэх бодисыг нарны гэрэл тусахгүй, битүү газар хадгалах
- Гэрлийн унтраалга, ор, сандлын түшлэг, хаалганы бариул, хонх, ширээ, тосгуур зэрэг гар байнга хүрдэг эд зүйлсийг өдөрт 2-оос доошгүй удаа цэвэрлэх
- Шал, суултуур, гутлын тавиур, гутлын ул, шалавч зэрэг бохирдол ихтэй эд зүйлсийг өдөрт 3-аас доошгүй удаа цэвэрлэх
- Бохирдол багатай хэсгээс эхлэн дээрээс доош чиглүүлэн цэвэрлэх.
